Fylgiskjal 2 til Fráboðan frá Skipaeftirlitinum 4/2007: Løggildingartreytirnar
Í hesum skjali standa útbúgvingar- og førleikakrøvini fyri at verða løggildaður til - vegna Skipaeftirlitið - at gera uppmálingar á øllum1 føroyskum skipum. Harumframt verða ásett krøv, mannagongdir og skjalprógv fyri útinnan av løggilduga arbeiðnum.
- 1Fyrivarni verður tikið viðvíkjandi klassaðum skipum. Løggildaði skal í slíkum førum eisini kunna liva upp til góðskukrøvini hjá klassanum.
Útbúgvingar- og førleikakrøv til umsøkjaran:
| ∙ | Umsøkjarin skal skjalprógva viðkomandi tekniska útbúgving so sum verkfrøðingur við skipsbygging sum serfrøði ella aðra viðkomandi útbúgving so sum skipsførari ella maskinmeistari |
| ∙ | Umsøkjarin skal skjalprógva royndir frá arbeiði viðvíkjandi skipauppmálingum, hava til taks og vera kendur við viðkomandi reglur, forskriftir, standardir og vegleiðingar á økinum, og kunna tryggja, at arbeiðið kann vera gjørt sambært nevndu reglum |
Krøv, mannagongdir og skjalprógv í sambandi við útinnan av løggilduga arbeiðnum:
Nærri lýsing av løggildaða arbeiðnum
Talan er her um at fremja uppmáling, tonnaguútrokning og útkast til málibræv, sum síðani skal útskrivast og góðkennast av Skipaeftirlitinum.
Reglugrundarlagið:
| ∙ | Løgtingslóg nr. 38 frá 4. mai 1957 um skipauppmáling |
| ∙ | Løgtingslóg nr. 90 frá 10. juni 1982 um skipauppmáling |
| ∙ | Kunngerð nr. 90 frá 10. juni 1982um skipauppmáling |
| ∙ | Fráboðan frá Skipaeftirlitinum 1/2007 um broyting í teknisku forskriftini um varðveitingarverd skip |
| ∙ | Altjóða konventiónin um uppmáling av skipum 1969 (London konventiónin) |
| ∙ | Annex I í konventiónini frá 1969 |
Onnur skjøl, sum skulu sendast inn saman við umsóknini:
Avrit av málisak/málifráboðan saman við tilhoyrandi útrokningum og talvum, sum nýttar verða.
Upplýsingar um skipaslag/stødd, sum løggilding ynskist til.
Krøv í smb. við skipauppmáling.
Øll skip yvir 24 metrar:
Føroysk skip 24 metrar og longri, herskip undantikin, skulu uppmálast og hava galdandi málibræv eftir reglunum í "Annex I" í konventiónini frá 1969
Øll skip minni enn 24 metrar:
Uppmálingin verður gjørd sambært kunngerð nr. 90 frá 10. juni 1982 um skipauppmáling
Uppmálingin liggur sum grund fyri málibrævi, sum verður útskrivað av Skipaeftirlitinum.
