Við heimild í § 2, stk. 2, §§ 7 - 9, §§ 13 - 15 og § 49 í løgtingslóg nr. 165 frá 21. december 2001 um trygd á sjónum, verður ásett:

§ 1. Fyriskipanin er galdandi fyri minni vinnufør, soleiðis sum hesi eru allýst í kapitul I, grein 1 í fylgisskjalinum til hesa fyriskipanina.

§ 2. Tey nærri ásettu byggikrøvini til smærri vinnufør og krøvini til útgerð tess v.m. eru at finna í fylgisskjalinum til hesa tøkniligu fyriskipan.

Stk. 2. Fylgisskjalið inniheldur hesar kapitlarnar:

§ 3. Kapitlarnir I - V og VII - X innihalda fyriskipanir viðvíkjandi byggikrøvum til smærri vinnufør og krøv til útgerð tess v.m. Hesar fyriskipanirnar eru grundaðar á Nordisk Bådstandard, men eru harumframt, vegnað tøknifrøðiligari menning og royndum frá vinnuni, tillagaðar og/ella víðkaðar samsvarandi hesum.

Stk. 2. Kapitul VI inniheldur partar av ES- fyriskipan nr. 93/103/EF um trygd og heilsuviðurskifti í sambandi við arbeiði umborð á fiskiskipum.

Stk. 3. Kapitul XII inniheldur fyriskipanir viðvíkjandi tilhaldsrúmum og drekkivatnsskipanini og eru hesar grundaðar á ILO-sáttmálan um tilhaldsrúm umborð á fiskiskipum.

Stk. 4. Kapitlarnir XX, XXI og XXIV innihalda fyriskipanir viðvíkjandi tiltøk móti dálkingarvanda frá skipum, og hesar eru grundaðar á IMO- sáttmálan um fyribyrging av dálking frá skipum (MARPOL).

Stk. 5. Kapitlarnir XI, XIII - XIX, XXII og XXIII eru lagdir av til møguliga seinni nýtslu.

§ 4. Kravd útgerð til fiskiskip, kann verða býtt um við útgerð, ið er merkt við ES-góðkenningarmerkinum samsvarandi tí tøkniligu fyriskipanini um útgerð á skipum.

§ 5. Brot á reglurnar í hesari fyriskipanini verða revsað við bót ella fongsul við upp til 1 ár.

Stk. 2. Revsingin kann økjast til fongsul við upp til 2 ár, um

Stk. 3. Umstøðurnar verða mettar tyngjandi, um tað er hendur skaði, ella vanda hevur verið fyri hesum, á lív ella heilsu hjá ungfólki undir 18 ár, sb. stk. 2, nr. 1.

Stk. 4. Um so er, at hald ikki er lagt á vinningin, ið er fingin við at bróta reglurnar, verður støddin á bótini, undir hesum ískoytisbót, ásett við serligum atliti at støddini á tí fíggjarliga vinninginum ella ætlaða fíggjarliga vinninginum.

Stk. 5. Feløg v.m. (løgfrøðiligir persónar) kunnu áleggjast revsiábyrgd eftir reglunum í kapittul 5 í revsilógini.

§ 6. Fyriskipanin kemur í gildi 01.09.2004.

Stk. 2. Samstundis fer úr gildi "Teknisk forskrift om mindre erhvervsfartøjers bygning og udstyr m.v.", jf. Søfartsstyrelsens tekniske forskrift F, 10. november 2000.

Stk. 3. Tey konstruktivu krøvini í "Skibstilsynets Meddelelser F, Forskrifter for bygning og udstyr m.v. for mindre erhvervsfartøjer", sum seinast broytt við tøkniligari fyriskipan F frá 27. juli 1995, eru framvegis galdandi fyri verandi før uttan so, at annað er ásett í teimum einstøku kapitlunum.

Skipaeftirlitið, tann 01.september 2004

_____________________________

Stjórin

____________________

Embætismaður